News34 chandrapur गुरू गुरनुले
मुल- मुल शहरातील अत्यंत वर्दळीच्या रस्त्यावर मध्यभागात सोमनाथ रोड वरील बाजार परिसरात असलेले खूप जुने बंडू गोगीरवार यांच्या कापड दुकानाला भीषण आग लागल्याने लाखोंचा माल जळून खाक झाला.
ही घटना गुरूवारच्या मध्य रात्रौ 1: 00 वा. च्या सुमारास घडली. आग लागल्याचे लक्षात आल्याने लगेच अग्निशमन पथक अवघ्या काही वेळातच घटनास्थळावर पोहोचून आगीवर नियंत्रण मिळविल्याने मोठा अनर्थ टळला.
या घटनेत मात्र लाखो रुपयाचा माल जळून खाक झाल्याची माहिती आहे. Terrible fire at chandrapur
सोमनाथ रोडवरील येथील प्रसिद्ध तसेच सर्वात जुने 'दत्त साडी सेंटर' बंडू गोगिरवार यांच्या दुकानाला काल रात्री 1 च्या सुमारास आग लागली. आग कशामुळे लागली अद्यापही कळले नाही. आग आटोक्यात आणण्यासाठी नगर परिषद मूल, आणि सावली येतील अग्नीशमन दल, ठाणेदार राजपूत साहेब, पोलीस कर्मचारी तथा नगर परिषदचे सी.ई.ओ अजय पाटणकर आणि कर्मचारी तसेच माजी नगरसेवक, प्रशांत समर्थ यांचेसह वॉर्डातील नागरिकांच्या सहकार्याने आग आटोक्यात आणण्यासाठी मदत झाली. यामध्ये गोगीरवार यांचे खालच्या दुकान गळ्यातील सर्व कापड जळून लाखोचे नुकसान झाले. आग आटोक्यात आल्याने वरच्या मजल्यावरील असलेला माल मात्र वाचला त्यामुळे मोठा अनर्थ टळला.