News 34 chandrapur
चंद्रपूर/दिल्ली - खरी शिवसेना कुणाची? याबाबत सर्वोच्च न्यायालयात सुनावणी सुरू आहे.एकनाथ शिंदे यांनी बंड केल्यावर महाविकास आघाडी सरकार अल्पमतात आले होते, त्यामुळे उद्धव ठाकरे यांना मंत्रीपदावरून पायउतार व्हावे लागले होते.
बंड केलेल्या आमदारांना अपात्र करा अशी याचिका सर्वोच्च न्यायालयात टाकण्यात आली. Shivsena
आता अपात्रतेच्या मुद्द्यावरून सरळ शिवसेनेचे निवडणूक चिन्ह आमचेच आहे असा दावा शिंदे गटाने केला असून याबाबतही सर्वोच्च न्यायालयात याचिका टाकण्यात आली. Shivsena shinde or thackeray?
या याचिकेवर आता पुढील सुनावणी 27 सप्टेंबर ला होणार आहे. Supreme court hearing
सुप्रीम कोर्टात एकनाथ शिंदे आणि उद्धव ठाकरे यांच्यात खरी शिवसेना कुणाची? शिवसेनेचं निवडणूक चिन्ह असलेले धनुष्यबाण त्यावर कुणाचा अधिकार आहे? भाजपासोबत सरकार बनवणाऱ्या एकनाथ शिंदेंसोबत असलेले शिवसेना आमदार अपात्र आहेत की नाही? या विविध मुद्द्यांवर सुनावणीसाठी सरन्यायाधीश यू. यू लळीत ५ जणांचं घटनापीठ स्थापन केले. त्यात न्या. धनंजय चंद्रचूड, न्या. एम.आर शाह, न्या. कृष्ण मुरारी, न्या. हिमा कोहली आणि न्या. नरसिंहमन यांचा समावेश आहे.
या प्रकरणी सुप्रीम कोर्टात सुनावणी सुरु आहे. राज्यातील सत्तासंघर्षाबाबत पहिल्यांदाच घटनापीठाकडे सुनावणी घेण्यात आली. न्या. धनंजय चंद्रचूड यांच्या अध्यक्षतेखाली ही सुनावणी घेण्यात आली. शिवसेना आमचीच असा दावा शिंदे-ठाकरे दोन्ही गटाकडून करण्यात येत आहे. त्यात केंद्रीय निवडणूक आयोगाकडेही हे प्रकरण प्रलंबित आहे.
मात्र घटनापीठानं दोन्ही बाजूच्या वकिलांचा युक्तिवाद ऐकल्यानंतर या प्रकरणाची पुढील सुनावणी २७ सप्टेंबरला घेणार आहे. परंतु या सुनावणीदरम्यान सुप्रीम कोर्टाने उद्धव ठाकरे गटाला दिलासा दिला आहे. निवडणूक आयोगाला चिन्हाबाबत कुठलाही निर्णय २७ सप्टेंबरपर्यंत घेऊ नये असं कोर्टाने सांगितले आहे. त्यामुळे एकनाथ शिंदे गटाने केलेली विनंती कोर्टाकडून तूर्तास मान्य करण्यात आली नाही. निवडणूक आयोगानं उद्धव ठाकरेंना २३ सप्टेंबरपर्यंत कागदपत्रे सादर करण्याची मुदत दिली होती.