कोरपना ता.प्र.सै.मूम्ताज़ अली:-
'टीम मुवमेंट अगेंस्ट पोल्युशन' गडचांदूरच्या वतीने 5 डिसेंबर रोजी येथील महात्मा गांधी विद्यालय येथे पर्यावरणतज्ज्ञ तथा खगोलशास्त्रज्ञ प्रा.डॉ.सुरेश चोपणे यांच्या नेतृत्वात औद्योगिक प्रदुषणाच्या विरोधात सहविचार सभेचे आयोजन पार पडले. अध्यक्षस्थानी प्राचार्या स्मिता चिताडे उपस्थित होत्या.तर उमाकांत धोटे,डॉ.प्रवीण लोणगाडगे यांची प्रमुख उपस्थिती होती.सभेत स्थानिक जुन्या माणिकगड व नवीन Ultratech cement company अल्ट्राटेक सिमेंट गडचांदूर या कंपनीतून सतत होत असलेले Air Pollution वायू प्रदूषण कायमचे हद्दपार करण्यासाठी सविस्तर चर्चा करण्यात आली. शहरातील संघर्षशील नागरिक, युवक, सामाजिक कार्यकर्ते, Journalist पत्रकार, लोकप्रतिनिधी, चिकित्सक आणि महिला यांना घेऊन एक मोठी सर्वसमावेशक कृति समिती तयार करण्यात आली.
अल्ट्राटेकच्या या वायू प्रदुषणाच्या विरोधात गडचांदूर वासीयांच्या अनेक तक्रारी आहे.परंतू येथील लोकांमध्ये एकतेचा अभाव असल्यामुळे जनआंदोलन होवू शकले नाही.यापुढे मात्र गडचांदूरवासी एकत्र येऊन प्रदूषणाविरोधात जनआंदोलन उभारणार असल्याचे सभेत दिसून आले.समितीने कंपनीशी सुद्धा बोलून त्यांची बाजू जाणून घेतली. सीएसआर फंडातून गडचांदूरसाठी आरोग्यविषयक सर्व्हेक्षण करून मोफत रोगनिदान शिबीर,वृक्षारोपण,जनजागृती असे उपक्रम राबविण्याचा सल्ला समितीने दिला.आरोग्याच्या समस्या लक्षात घेता शहरवासीयांना प्रदूषणाबाबतीत आवाज उठवण्याचा कायदेशीर अधिकार आहे. येत्या 15 दिवसात जर प्रदुषणावर नियंत्रण आणले नाही तर निश्चितच आंदोलन करण्याचा इशारा उपस्थित नागरिकांनी कंपनी प्रशासनाला दिला आहे.यावेळी प्रा.डॉ.सुरेश चोपणे यांनी उपस्थितांना मार्गदर्शन केले.
सदर सभेत उपस्थित नागरिकांनी सुद्धा कंपनीच्या प्रदुषणा विषयी पोटतिडकीने आपली व्यथा मांडली. यानंतर आता लढाई अतिशय तीव्र स्वरूपाची कंपनी विरोधात राहील आणि जोपर्यंत यांचे डोके ठिकानावर येत नाही तोपर्यंत ही कृती समिती स्वस्त बसणार नाही असे मत व्यक्त करण्यास आले. मोठ्यासंख्यने शहरवासीयांना यावेळी उपस्थिती दर्शवली.संचालन प्रा.आशिष देरकर तर आभार प्रा.अनंत रासेकर यांनी व्यक्त केले.आता कंपनीच्या प्रदर्शना विषयी पुढे काय घडते याकडे सर्वांचे लक्ष लागले आहे.