चंद्रपूर : चंद्रपूर शहर महानगरपालिकेच्या सत्ताधारी भाजप पक्षाच्या गटनेत्या म्हणून जयश्री महेंद्र जुमडे यांनी बुधवारी (ता. २९) पदभार स्वीकारला. यावेळी महापौर राखी संजय कंचर्लावार, उपमहापौर राहुल पावडे, स्थायी समिती सभापती रवी आसवानी यांनी शुभेच्छा दिल्या.
BJP group leader
मनपाच्या मुख्य प्रशासकीय इमारतीत एका छोटेखानी कार्यक्रमात भाजपचे महानगर अध्यक्ष डॉ. मंगेश गुलवाडे, जिल्हाध्यक्ष देवराव भोंगळे, सभागृह नेते संदीप आवारी, झोन १च्या सभापती छबू वैरागडे यांच्या प्रमुख उपस्थितीत पदग्रहण सोहळा पार पडला. यावेळी जयश्री महेंद्र जुमडे यांनी पदभार स्वीकारला. त्या बंगाली कॅम्प प्रभाग क्र. ४च्या नगरसेविका आहेत. त्यांची ही दुसरी टर्म आहे. यापूर्वी महिला व बालकल्याण उपसभापती आणि सभापती ही पदेदेखील भूषविली आहेत. Chandrapur mahangarpalika
त्यांचे पती महेंद्र जुमडे हेदेखील नगरसेवक होते. राजकीय आणि सामाजिक कार्याचा दीर्घ अनुभव असून, सर्व नगरसेवक आणि सहकाऱ्यांच्या साथीने चंद्रपूर शहरातील नागरिकांच्या समस्यांचे निराकरण आणि चंद्रपूर नगरीच्या विकासासाठी कटिबद्ध राहणार असल्याचा संकल्प जयश्री जुमडे यांनी व्यक्त केला. पदग्रहण सोहळ्याला नगरसेवक, नगरसेविका आदींची उपस्थिती होती. वर्तमान स्थायी समिती सभापती पदाचा कार्यकाळ संपुष्टात येत असून लवकरच नवा स्थायी समिती सभापतीची निवडणूक होणार आहे.
गटनेतेपदी जुमडे यांची वर्णी लागल्यानंतर आता स्थायी समिती सदस्यांची निवडणूक पार पडणार असून त्यासह नवा स्थायी समिती सभापतीची सुद्धा निवड करण्यात येणार आहे, रवी आसवानी नंतर सभापती पदासाठी नगरसेवक संदीप आवारी यांच्या नावावर शिक्कामोर्तब झाला असून लवकरचं अधिकृत घोषणा होण्याची शक्यता वर्तवली जात आहे.
Sandip awari