News34 chandrapur
गोंडपीपरी :- सुरजागड लोह प्रकल्पाच्या वाहनांच्या वाहतुकीमुळे गोंडपीपरी शहरात अनेक अपघात घडले त्यात काहींना जीव ही गमवावा लागला.
त्यासोबतच जडवाहतुकीमुळे होणाऱ्या प्रदूषणाने परिसरातील शेतकऱ्यांच्या पिकांचे नुकसान होत आहे त्यामुळे नुकसानग्रस्त शेतकऱ्यांना नुकसान भरपाई देण्यात यावी, जड वाहतुकीची पर्यायी व्यवस्था करण्यात यावी तसेच गोंडपीपरी शहरातील स्थानिक युवकांना सुरजागड प्रकल्पात रोजगारात प्राधान्य देण्यात यावे अश्या विविध मागण्यांसाठी वंचित बहूजन आघाडी चे जिल्हाध्यक्ष भूषण फुसे यांच्या नेतृत्वात गोंडपीपरी शहरातील मुख्य मार्गावर चक्का जाम आंदोलन करण्यात आले.
Vanchit bahujan aghadi
सुरजागड प्रकल्पाच्या जड वाहतुकीमुळे अपघातांचे प्रमाण वाढले असल्याने गोंडपीपरी शहरात ठिकठिकाणी सीसीटीव्ही कॅमेरे बसविण्यात यावे, वेग नियंत्रक लावण्यात यावे, सोबतच वाहन शहरात येतांना व जातांना वाहन चालकांची मद्यपान चाचणी प्रामुख्याने करण्यात यावी अश्या विविध मागण्या यावेळी वंचित बहूजन आघाडी तालूका गोंडपीपरीच्या वतीने करण्यात आल्या.
Chakkajam andolan
यावेळी वंचित बहूजन आघाडी चंद्रपुर चे जिल्हाध्यक्ष भूषण फुसे, गोंडपीपरी तालुका अध्यक्ष प्रकाश तोहोगावकर, तालूका उपाध्यक्ष लक्ष्मण रामटेके, अनिल दुर्गे, युवा कार्यकर्ते अविनाश राऊत, राजकपूर भडके व अनेक कार्यकर्त्यांसह परिसरातील अनेक नागरिक उपस्थित होते.
Surjagad iron ore project
चक्का जाम आंदोलनाने बराच वेळ मुख्य मार्गावरील वाहतूक ठप्प झाली त्यामुळे वाहनांच्या रांगाच रांगा लागल्या होत्या.