News34 chandrapur (गुरू गुरनुले)
मुल - शेतकऱ्यांना चालू वर्षातील खरीप पिकांचे उत्पन्न कृषी उत्पन्न बाजार समितीच्या मार्फतीने शासकीय हमीभाव खरेदी केंद्रावर शेतकर्‍यांना नोंदणी करण्याकरिता शेवटची तारीख ही २१/१०/२०२२ पर्यंत देण्यात आली होती. Maharashtra farmer
परंतु हमीभाव केंद्रावर नोंदणी करण्याच्या अगोदर आधी शेतकर्‍यांना स्वतःच्या शेतावर जाऊन ऑनलाइन e-pik नोंदणी करणे शासनाने अनिवार्य केले आहे. त्यांनंतरच त्या पिकाची नोंदणी झालेला 7/12 ऑनलाइन पद्धतीने काढून सदर केंद्रावर शेतकऱ्याला स्वतः जाऊन नोंदणी करावी लागते. असे शासनाने जाहीर केले आहे. परंतु e- पीक नोंदणी करून 15 दिवस होऊनही सातबारा अपडेट झालेले नाही त्यामुळे आजच्या घडीला 75 % शेतकरी हमीभाव केंद्रावर आपले नाव नोंदणी करू शकले नाही. त्यामुळे शेतकरी फार मोठ्या संकटात सापडले असून आणि शासकीय हमीभाव नोंदणी करण्याची मुदत आजच शेवटची मुदत म्हणजे २१/१०/२०२२ पर्यंतचीच दिली असल्यामुळे शासकीय हमीभाव केंद्रावर धानाची विक्री शेतकरी करू शकणार नाही त्यामुळे शेतकर्‍यांना हमीभाव मिळू शकणार नाही. करीता शासनाने सदर नोंदणी करण्याची मुदतीची दिनांक २१/१०/२०२२ पासून पुढे 15 दिवसानी वाढवून द्यावी व शेतकऱ्यांना दिलासा द्यावा अशी मागणी चंद्रपूर जिल्हा मध्यवर्ती सहकारी बँकेचे अध्यक्ष तथा माजी जी.प. अध्यक्ष संतोष सिंह रावत यांनी शासनाकडे केली आहे.
