News 34 chandrapur
गड़चांदूर सै.मूम्ताज़ अली:-
गडचांदूर येथील माणिकगड सिमेंट इंग्लिश स्कूल येथे प्रयोगशाळा परिचर म्हणून कार्यरत असलेले अशोक मोटेवार हे नुकतेच सेवानिवृत्त झाले. यानिमित्ताने निरोप समारंभाचे आयोजन करण्यात आले होते.कार्यक्रमाच्या अध्यक्षस्थानी विद्यालयाच्या प्राचार्या श्रीमती अर्चना गोलचा होत्या.सुरूवातीला विद्यालयाच्या वतीने अशोक मोटेवार व श्रीमती मोटेवार या दाम्पत्यांचा पुष्पगुच्छ, शाल, श्रीफळ आणि भेटवस्तू देऊन सत्कार करण्यात आला. Farewell
आपल्या अध्यक्षीय भाषणातून प्राचार्या गोलचा यांनी अशोक मोटेवार यांनी प्रयोगशाळा परिचर म्हणून विद्यालयात 39 वर्ष दीर्घकाळ दिलेल्या सेवेचे तोंडभरून प्रशंसा करत भावी आयुष्यासाठी शुभेच्छा दिल्या.याप्रसंगी पवन बेले,देवेंद्र पटले व संजय भटकर या शिक्षकांची भाषणे झाली.या कार्यक्रमाचे औचित्य साधून विद्यालयातील कला शिक्षक पवन महादुरकर यांनी अशोक मोटेवार यांचे रेखाटलेले रेखाचित्र उपस्थितांचे लक्ष वेधून घेत होते. सेवानिवृत्त अशोक मोटेवार यांनी बोलताना आपल्या सेवा काळातील काही आठवणींचा आढावा घेत विद्यालय, प्राचार्य, शिक्षक,शिक्षिका व सर्व कर्मचाऱ्यांकडून मिळालेल्या सहकार्याबद्दल स्नेह सौदार्याबद्दल कृतज्ञता व्यक्त केली. संचालन श्रीमती मानंदा रामटेके तर मोरेश्वर भांगे यांनी आभार व्यक्त केले. सदर कार्यक्रमाला विद्यालयाच्या प्राचार्या, शिक्षक,शिक्षकेत्तर कर्मचारी कुटुंबासह उपस्थित होते.