News 34 chandrapur
चंद्रपूर - मागील 6 वर्षांपासून शहरातील मध्यभागी असलेल्या मौलाना अबुल कलाम आझाद बगीच्याचे दुरुस्तीकरण सुरू होते, अनेक वादात अडकल्यानंतर अखेर 26 मार्चला बगीच्याचे उदघाटन करण्यात आले.
मात्र उदघाटन सोहळा राजकीय वादात अडकला, बगीच्या हा सर्वांसाठी होता मात्र राजकीय दंगलीत त्या बगीच्याचे महत्व कुठेतरी हिरावून गेले. Facebook wall
पण त्या वादग्रस्त सोहळ्यामधून चंद्रपूर जिल्ह्यातील जेष्ठ पत्रकार पंकज शर्मा यांनी प्रत्येकाना सुखावणारा क्षण आपल्या फेसबुक वॉल द्वारे कथन केला.
आजाद बगीच्यातील लोकार्पण समारोहात झालेल्या 'चर्चित' कार्यक्रमात एक सुखावणारी घटना घडली. बगिच्यात रोज सकाळी सायंकाळी फेरफटका मारायला येणाऱ्या प्रत्यकाची भेट होते ती, बाबा बाबुराव मोगरे या अवलिया माणसाशी. बाबा मोगरे चे नाव बगिच्यात येणाऱ्या प्रत्येक व्यक्तीला माहीत असेल असे नाही, पण त्याचा चेहरा हा सर्वांचा परिचित. बगिच्यात दाखल होताच कधी झाडाला पाणी देतांना तर कधी मोकाट कुत्र्यांना बाहेर हाकलून देतांना व कधी बगिच्यात उपद्रव करण्याऱ्या उडन टप्पू लोकांनां खडसावताना. आझाद बगीच्याच्या लोकार्पण कार्यक्रमात जेष्ठ नागरिक, हास्य क्लब, झुमबा क्लब, सूर्य नमस्कार समूह सोबतच अन्य थोरा- मोठयचं सन्मान- सत्कार झाला. शेवटी जेव्हा आमदार सुधीर मुनगंटीवार, महापौर राखी कंचरलावर अन्य मान्यवर मंचका वरून खाली उतरून जात होते त्यावेळी बगिच्यात नियमित येणाऱ्या नागरीकांनी सुधीर भाऊंना आजाद बगीच्यातील मनपा चे चौकीदार बाबा बाबुराव मोगरे यांचा सत्कार करण्याची विनंती केली.
त्यांनी पण विनंती ला मान देत बाबा मोगरे चा सत्कार करण्यास होकार दिला. मंचावरून बाबा मोगरे चे नाव पुकारण्यात आले, बाबा आपल्या नियमित कामात व्यस्त होता. त्यास शोधून आणल्या गेले, भकास झालेली बाग पुन्हा टवटवीत झाल्याचा आनंद त्याच्या चेहऱ्यावर दिसत होता, त्यात मान्यवरांच्या हस्ते त्याचा अनपेक्षितपणे होत असलेल्या सत्कार बघून बाबाच्या डोळ्यात आनंदाश्रू तरळुन गेले. Baba mogre
अनेकानेक वादाच्या भोवऱ्यात अडकलेल्या लोकार्पण कार्यक्रम चा शेवट चंद्रपूर शहराशी- आजाद बगीच्याशी निर्लोभ प्रेम करणाऱ्या नागरिकांच्या पुढाकाराने बाबा मोगरेच्या आनंदाश्रू चे सिंचन करीत संपन्न झाला. वाद- विवाद, मानापमान च्या 'भाऊ' गर्दीत बाबा मोगरे चा सत्कार आजाद बगीच्यातील आनंद अबाधीत राहुद्या ही माता महाकाली च्या चरणी समस्त चंद्रपूर करांची मनस्वी प्रार्थना. Azad garden, chandrapur
✍🏻
चंद्रपुरातील जेष्ठ पत्रकार पंकज शर्मा यांच्या फेसबुक वॉलवरून