या मास्क नसलेल्या फोटोत चंद्रपूर मनपा आयुक्त राजेश मोहिते, महापौर राखी कंचर्लावार, उपमहापौर राहुल पावडे, स्थायी समिती अध्यक्ष रवी आसवानी, नगरसेवक संदीप आवारी, अनिल फुलझेले, सुरेश पचारे, डॉ. सुरेश महाकुलकर व आरोग्य अधिकाऱ्यांनी साथ रोग कायद्याचे उल्लंघन केले.
या सदरावरील सर्वप्रथम बातमी News34 ने प्रकाशित केली व सदर बातमी समाज माध्यमांवर चांगलीच व्हायरल झाली.
नागरिकांना कोरोना काळातील नियम पालिका वारंवार सांगत असताना मात्र स्वतः पालिका हे नियम पायदळी तुडवीत आहे.
News34 च्या बातमीनंतर पालिका प्रशासनाला जाग आली व खुद्द आयुक्त व महापौर यांनी नियम उल्लंघन केल्याप्रकरणी दंड भरला व सर्व अधिकारी व पदाधिकारी यांचेवर दंडात्मक कारवाई केली.
पालिका प्रशासनाने आपली चूक मान्य करीत सदर फोटो हा अनावधनाने काढला असल्याचे स्पष्ट करीत दिलगिरी व्यक्त केली.