स्थानिक गुन्हे शाखेच्या अनेक कारवाया गांजा व ब्राऊन शुगर च्या तस्करी वर झाल्या आता शहर पोलीस स्टेशनच्या हद्दीत सुद्धा तब्बल 55 हजारांचा ब्राऊन शुगर जप्त करण्यात आला असून यामध्ये 2 आरोपींना अटक करण्यात आली आहे. #news34
शहर पोलिसांना मिळालेल्या गुप्त माहितीच्या आधारे शहरातील भिवापूर वार्डात एकाने घरी ब्राऊन शुगर विक्रीकरिता साठवणूक केल्याची पक्की खबर मिळाली असता पोलिसांनी सापळा रचत भिवापूर येथील 35 वर्षीय आवेश शब्बीर कुरेशी भंगाराम चौक याचे घरी धाड मारीत झाडाझडती घेतली असता 130 पुड्या तब्बल 42.340 ग्राम व ब्राऊन शुगर 12.350 ग्राम जप्त करण्यात आली. #news34
आरोपीने हे ब्राऊन शुगर बाबूपेठ येथील 31 वर्षीय नैनेश उर्फ लाला नितेश शाहा यांचेकडून विकत घेत असतो, आम्ही दोघे मिळून हा व्यवसाय करत असल्याची माहिती पोलिसांना दिली. ही तस्करी नागपूर व्हाया मुंबई येथून आली असल्याची माहिती आरोपीतर्फे मिळाली.
पोलिसांनी दोघांना अटक करीत आरोपिकडून ब्राऊन शुगर किंमत 55 हजार, रोख रक्कम 1 लाख 36 हजार 460 व मोबाईल किंमत 10 हजार असा एकूण 2 लाख 1 हजार 460 रुपयांचा मुद्देमाल जप्त केला.#news34
दोघांना न्यायालयात नेले असता 2 दिवसांची पोलीस कोठडी मंजूर करण्यात आली.
दोन्ही आरोपींवर पोलीस स्टेशनला गंभीर गुन्हे दाखल असल्याची नोंद आहे.#news34
सदरची कारवाई जिल्हा पोलिस अधीक्षक अरविंद साळवे, अप्पर पोलीस अधीक्षक प्रशांत खैरे उपविभागीय पोलीस अधिकारी शिलवंत नांदेडकर यांच्या मार्गदर्शनाखाली शहर पोलीस ठाण्याचे पोलीस निरीक्षक सुधाकर आंभोरे, गुन्हे शोध पथकातील पोलीस उपनिरीक्षक निलेश वाघमारे, विजय कोरडे, बाबा डोमकावले, दौलत चालखुरे, महेंद्र बेसरकर, शारीफ शेख, विलास निकोडे, जयंत चुणारकर आदींनी यशस्वीपणे पार पाडली.