निळापूर ब्राह्मणी मार्गावर इंदिरा एक्जीम प्रायव्हेट लिमिटेड नावाची जिनिंग फॅक्टरी आहे, या फॅक्टरीचे मालक आनंद अग्रवाल असून कम्पनीचे संचालक म्हणून अनिल व देवेंद्र अग्रवाल हे काम बघतात.
मागील 10 वर्षापासून या कंपनीत 47 वर्षीय मनीष जगजीवन जंगले हे सुपरवायझर पदावर काम करतात, शनिवारी दुपारच्या सुमारास ते आपल्या दुचाकीने बँक ऑफ इंडियात गेले व तिथे 45 लाखांचा धनादेश वटवीत रोख रक्कम बॅग मध्ये भरली.
ते पैसे बॅग मध्ये टाकून जिनिंग मध्ये जाण्यासाठी निघाले असता 3 वाजताच्या सुमारास अहफाज कॉटन जिनिंग जवळ एका कार ने त्यांना धडक दिली, अचानक दिलेल्या धडकेत मनीष खाली पडले असता कार मधून दोघांनी उतरत मनीष यांना मारहाण करीत पैश्याची बॅग हिसकावली व ते दोघे कार मधून पळून गेले.
मनीष यांनी याबाबत जिनिंग संचालकांना कळविले व पोलीस स्टेशनमध्ये तक्रार दाखल केली, वणी पोलिसांनी अज्ञात आरोपी विरोधात 394 अंतर्गत गुन्हा दाखल केला असून पुढील तपास पोलीस निरीक्षक वैभव जाधव करीत आहे.