गोंडपिपरी : चालकाचे वाहनावरील नियंत्रण सुटल्याने चारचाकी वाहन थेट घरात घातल्याची घटना आज (दि.२६)दुपारी २ च्या दरम्यान विठ्ठलवाडा बसस्थानकानजीक घडली.
या घटनेत सुदैवाने कसलीही जीवितहानी न झाल्याने मोठा अनर्थ टळला. #News34Chandrapur
गोंडपीपरी-तालुक्यातिल विठ्ठलवाडा मार्गावर वाहन क्र.UP 93 BD 7402 ही चारचाकी गोंडपिपरी मार्गे गडचिरोली जिल्ह्याच्या दिशेने आष्टीकडे जात होती. अश्यातच चालकाचे वाहनावरील नियंत्रण सुटले. अन चारचाकी वाहन रस्त्यानजिक एका घरात घूसले. ही घटना विठ्ठलवाडा गावाजवळ घडली. गावच्या बसस्थानकाजवळ सिंधुबाई सरवर यांचे विटा- कवलुचे कच्चे घर आहे. अश्यातच हे वाहन इतके भरधाव वेगात होते की,रोडच्या कडेला उतरून थेट घराच्या मागील बाजूस असलेल्या भिंतीला भगदाळ पाडून चारचाकी घरात घूसली. त्यात सरवर यांच्या घराचे मोठे नुकसान झाले आहे. या घटनेने सरवर कुटूंब उघड्यावर आले आहे. वाहनातील असलेले कुटुंब यातून सुखरूप बचावले.
या घटनेची माहिती गोंडपिपरी पोलीस स्टेशनला कळविण्यात आली. यानंतर पोलीस कर्मचारी घटनास्थळी दाखल झाले. पुढील तपास पाणेकर,कोवे,आहेत.