रुग्णालयाच्या ढिसाळ नियोजनाचा फटका त्या 10 निष्पाप बालकांना बसला.
या घटनेत भानारकर कुटुंबाची कहाणी मन हेलवणारी आहे, हिरकण्या भानारकर या 4 वेळा गरोदर राहिल्या मात्र चारदा त्यांनी मृत बाळाला जन्म दिला. (10 babies die in bhandara government hospital)
भानारकर दाम्पत्यांनी न खचता कुटुंब पुढे नेण्यासाठी प्रयत्न केला, हातावर पोट असणारे भानारकर दाम्पत्यांनी खाजगी दवाखान्यात उपचार घेत, महागडी औषधे घेतली व 6 जानेवारीला साकोली येथील उपजिल्हा रुग्णालयात गोड्स मुलीला जन्म दिला.
मात्र त्या बाळाचे वजन हे 1 किलोग्राम असल्याने तात्काळ त्या चिमुकलीला भंडारा येथील जिल्हा रुग्णालयात दाखल करण्यात आले.
रुग्णालयातील अतिदक्षता शिशु सेंटर मध्ये त्या चिमुकलीला ठेवण्यात आले होते.
त्या विभागात ती चिमुकली 2 दिवस राहली पण 8 जानेवारीच्या रात्री लागलेल्या आगीत ती निष्पाप बालिका होरपळून मृत्युमुखी पडली.
मागील 4 अनुभव पाठीशी असतांना भानारकर कुटुंबियांवर त्या घटनेने जणू दुःखाचे आभाळ कोसळले.
शासकीय रुग्णालयाच्या ढिसाळ नियोजनाचा फटका त्या 10 चिमुकल्यांचा जीवाला बसला.