News 34 chandrapur
मुंबई / फडणवीस-शिंदे सरकारमध्ये अखेर कॅबिनेट मंत्र्यांना खातेवाटप जाहीर झाले.
मंत्रिमंडळाचा विस्तार व मंत्र्यांना खाते या गोष्टी लांबणीवर गेल्या होत्या मात्र विरोधकांच्या होत असलेल्या टिकेवर अखेर शिंदे-फडणवीस सरकारने प्रत्युत्तर देत मंत्र्यांचे खाते वाटप जाहीर केले आहे.
Maharashtra Minister Portfolios
खाते वाटपानुसार मुख्यमंत्री एकनाथ शिंदे (cm eknath shinde) यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, सार्वजनिक बांधकाम(सार्वजनिक प्रकल्प), परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक व औकाफ तसेच इतर कोणत्याही मंत्र्यांना वाटप न केलेले विभाग राहणार आहेत. तर उपमुख्यमंत्री देवेंद्र फडणवीस (devendra fadnavis) यांच्याकडे गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार ही खाती असतील.
राधाकृष्ण विखे पाटील यांच्याकडे महसूल आणि सुधीर मुनगंटीवार यांच्याकडे वन खातं देण्यात आलं आहे. या शिवाय चंद्रकांत पाटील यांच्याकडे उच्च व तंत्र शिक्षण हे खातं देण्यात आलं आहे.
कुणाला कोणतं खातं
राधाकृष्ण विखे-पाटील: महसूल, पशुसंवर्धन आणि दुग्धविकास
सुधीर मुनगंटीवार: वने, सांस्कृतिक कार्य, व मत्स्य व्यवसाय
चंद्रकांत पाटील: उच्च व तंत्रशिक्षण, वस्त्रोद्योग आणि संसदीय कार्य
डॉ. विजयकुमार गावित: आदिवासी विकास
गिरीष महाजन: ग्राम विकास आणि पंचायती राज, वैद्यकीय शिक्षण, क्रीडा व युवक कल्याण
गुलाबराव पाटील: पाणीपुरवठा व स्वच्छता
दादा भुसे: बंदरे व खनिकर्म
संजय राठोड: अन्न व औषध प्रशासन
सुरेश खाडे: कामगार
संदीपान भुमरे: रोजगार हमी योजना व फलोत्पादन
उदय सामंत: उद्योग
प्रा.तानाजी सावंत: सार्वजनिक आरोग्य व कुटुंब कल्याण
रवींद्र चव्हाण: सार्वजनिक बांधकाम (सार्वजनिक उपक्रम वगळून), अन्न व नागरी पुरवठा व ग्राहक संरक्षण
अब्दुल सत्तार: कृषी
दीपक केसरकर: शालेय शिक्षण व मराठी भाषा
अतुल सावे: सहकार, इतर मागास व बहुजन कल्याण
शंभूराज देसाई: राज्य उत्पादन शुल्क
मंगलप्रभात लोढा: पर्यटन, कौशल्य विकास व उद्योजकता, महिला व बालविकास
हे ही वाचा - चंद्रपूरच्या कांग्रेस खासदाराची जीभ घसरली
