प्रतिनिधी/गुरू गुरनुले
मुल - मुल तालुक्यातील फुलझरी डोनी रस्त्यावरून जात असतांना वाघाने हल्ला करून ठार केल्याची घटना वनपरिक्षेत्र कक्ष क्रमांक 351 मध्ये घडली असून ठार झालेल्या इसम युवकाचे नाव भारत रामदास कोवे डोनी वय (२३) असून tadoba forest ताडोबा अंधारी व्याघ्रप्रकल्प येथील भारत रामदास कोवे आपल्या कौटुंबिक कामासाठी बाहेरगावी गेला होता, काम पूर्ण करून फुलझरी मार्ग डोनी गावाकडे सायंकाळी ७ वाजता जात असतांना जंगलात दबा धरून बसलेल्या वाघाने त्याच्यावर झडप घेत भारत याला जागीच ठार केले. सदर घटना मुल बफर क्षेत्रातील करवन येथील कक्ष क्रमांक 351 मध्ये घडली असता वनविभागाच्या अधिकाऱ्यांनी घटनास्थळाचा पंचनामा करून उत्तरीय तपासणीसाठी मृतदेह उपजिल्हा रुग्णालय मुल येथे आणण्यात आले. Tiger attack आणि मृतकाच्या कुटुंबियांना वनविभागाकडून २५ हजार रुपयांची तात्काळ आर्थिक मदत देण्यात आली. घटनास्थळी वनपरिक्षेत्र अधिकारी श्री.नायगमकर क्षेत्र सहाय्यक धुर्वे ,पोलीस निरीक्षक सतिशसिंह राजपूत व वंनकर्मचारी उपस्थित होते.