पुन्हा शहरातील "हाय प्रोफाइल" भागात हत्येची घटना उघडकीस आली आहे, मित्रनगर परिसरात 8 सप्टेंबरला तिरवंजा येथे राहणारा संकेत सुमटकर या युवकाची धारदार शस्त्राने वार करीत हत्या केली.
विशेष म्हणजे ज्यावेळी ही हत्या झाली त्यावेळी आरोपी व मृतक हे दारूच्या नशेत होते.
मित्रनगर भागात पडक्या क्वार्टर मध्ये संकेत चा मृतदेह आढळला त्या ठिकाणी शासकीय औद्योगिक प्रशिक्षण संस्था, जिल्हाधिकारी बंगला, सार्वजनिक बांधकाम विभाग अभियंता बंगला, जिल्हा परिषद मुख्य कार्यकारी अधिकारी बंगला, भारत संचार निगम लिमिटेड मुख्य कार्यालय, आंबेडकर महाविद्यालय अवघ्या काही अंतरावर आहे.
त्याठिकाणी युवकाची हत्या आता चर्चेचा विषय बनला आहे, मुलींच्या शासकीय औद्योगिक प्रशिक्षण संस्थेच्या गेट जवळ काही भाग हा निर्जन अवस्थेत आहे, या जागेसमोर अनेक शासकीय वसाहती आहे, सायंकाळच्या सुमारास या परिसरात दारू पिणाऱ्या युवकांची गर्दी जमलेली असते.
आरोपी शुभम साखरकर रा. तिरवंजा तालुका भद्रावती व मृतक संकेत सुमटकर हे मित्रच होते.
मात्र संकेत व आरोपीं शुभम मध्ये काही दिवसांपूर्वी वाद झाला असल्याने त्याचा राग शुभमने मनात ठेवत रेकॉर्डवरील गुन्हेगार संगम सागोरेला सोबत घेत संकेत चा काटा काढण्याचे ठरविले.
8 सप्टेंबरला आरोपीनी संकेत ला सोबत घेत बार मध्ये दारू चे सेवन केले नंतर त्याला मित्रनगर परिसरात नेत संकेत वर चाकूने छातीवर, गळ्यावर व पाठीवर वार केले.
या हल्ल्यात संकेत चा जागीच मृत्यू झाला, आरोपीनी संकेत चा मृतदेह मित्रनगर परिसरातील निर्जन भागात लपवून ठेवला.
10 सप्टेंबर ला आरोपी संगम याने स्वतः पोलिसांना संपर्क साधत मित्रनगर परिसरात युवकाचा मृतदेह पडून असल्याची माहिती दिली, संगम हा रेकॉर्डवरील गुन्हेगार असल्याने पोलिसांना त्याच्यावर संशय आला, पोलिसांनी संगम ला ताब्यात घेत कसून चौकशी केली असता त्याने हत्या केली असल्याचे कबूल केले.
2 दिवसापासून संकेत घरी न आल्याने त्याचा मोठा भाऊ सुहास सुमटकर संकेत बेपत्ता असल्याची तक्रार करणार होता मात्र पोलिसांचा त्याआधी फोन आला व संकेत चा मृतदेह मिळाला अशी माहिती सुहासला दिली.
सुहास ने पोलिसांना माहिती दिली की 8 सप्टेंबरला संकेत हा आरोपी शुभम सोबत पडोली येथे पार्टी आहे आम्ही जाऊन येतो असे सांगत घरून निघाला होता. मात्र संकेत चा गेम त्याचा मित्र शुभम करणार असल्याची त्याला मुळीच कल्पना नव्हती.
रामनगर पोलिसांनी दोन्ही आरोपींना अटक केली आहे.
मित्रनगर भागात राहणारा आरोपी संगम सागोरे यावर अनेक गुन्ह्यांची नोंद आहे, अवैध दारू, दादागिरी, मारहाण अश्या अनेक तक्रारी मित्रनगर भागातील नागरिकांनी पोलीस स्टेशनमध्ये केल्या होत्या.