News34
प्रतिनिधी/गुरू गुरनुलेमूल - शेतीच्या जुन्या वादामधुन लहान भावाने मोठ्या भावाची हत्या केल्याची खळबळजनक घटना मूल तालुक्यातील सिंताळा येथे घडली. सिंताळा येथील रहीवाशी विश्वनाथ पुंजाराम वैरागडे (६५) आणि सुनिल पुंजाराम वैरागडे (४२) दोघेही सख्खे भाऊ दोघांमध्ये अनेक वर्षापासुन वडीलोपार्जीत शेतीचा वाद सुरू आहे. याच वादामधुन लहान भाऊ सुनिल वैरागडे याने मोठा भाऊ विश्वनाथ वैरागडे याचा काटा काढला. आज दुपारी ११.३० वा. चे सुमारास विश्वनाथ गुरे घेवुन घराकडे जात असताना सिंताळा रेगडी मार्गावरील नाल्याजवळ पाळतीवर असलेल्या सुनिलने पाठीमागेहुन येवुन कु-हाडीने विश्वनाथच्या डोक्यावर वार केले. कु-हाडीचा वार जबर असल्याने विश्वनाथ जागीच गतप्राण झाला. #news34
घटनेची माहीती होताच ठाणेदार सतिशसिंह राजपुत यांचे मार्गदर्शनात सहाय्यक पोलीस निरीक्षक प्रशांत ठवरे यांनी सहका-यांसह घटनास्थळ व सिंताळा येथे जावुन सुनील वैरागडे याला ताब्यात घेवुन मृतक विश्वनाथचे पार्थिव उत्तरीय तपासणीसाठी उपजिल्हा रूग्णालय मूल येथे घेवुन आले. पुढील तपास सहाय्यक पोलीस अधिक्षक अनुज तारे यांचे मार्गदर्शनात सपोनि प्रशांत ठवरे करीत आहेत.