कोरपना ता.प्र.सै.मूम्ताज़ अली:-
केंद्र पुरस्कृत प्रधानमंत्री आवास योजना व राज्य पुरस्कृत महाआवास अभियान २०२०-२१ अंतर्गत कोरपना तालुक्यातील "बिबी व पिपरी" ग्रा.पं.ला जिल्हास्तरीय सर्वोत्कृष्ट ग्रामपंचायत तृतीय पुरस्कार प्राप्त झाला.१५ ऑगस्ट स्वतंत्र्यदिनी जिल्ह्याचे पालकमंत्री ना.विजय वडेट्टीवार यांच्या हस्ते जिल्हाधिकारी कार्यालय येथे सदर पुरस्काराचे वितरण करण्यात आले. प्रधानमंत्री आवास योजना ग्रामीण व राज्य पुरस्कृत योजनेंतर्गत घरकुलांच्या कामाला गती येण्यासाठी संपूर्ण राज्यात शासनस्तरावर महाआवास अभियान राबविण्यात आले होते.यात विविध स्तरावर पुरस्कार ठेवण्यात आले.त्यामध्ये कोरपना तालुक्यातील "बिबी व पिपरी" अशा दोन ग्रामपंचायतींना जिल्हास्तरीय सर्वोत्कृष्ट ग्रामपंचायत पुरस्कार मिळाल्याने कोरपना पंचायत समितीचे नावलौकिक वाढले आहे. News34
पुरस्कार वितरण पालकमंत्री विजय वडेट्टीवार जिल्हाधिकारी अजय गुल्हाने, जिल्हा परिषद अध्यक्षा संध्याताई गुरनुले, जिल्हा पोलिस अधीक्षक अरविंद साळवे, जिल्हा परिषदेच्या मुख्य कार्यकारी अधिकारी मिताली सेठी यांच्या हस्ते झाले. बिबी ग्रा.पं.च्या वतीने माजी सरपंच मंगलदास गेडाम,माजी उपसरपंच आशिष देरकर, ग्रा.पं.बिबीचे प्रशासक तथा सहाय्यक संवर्ग विकास अधिकारी दिलीप बैलनवार,ग्रामविकास अधिकारी एस.एन. ढेंगळे,ग्रामीण गृहनिर्माण अभियंता अजय सुरेश लांडगे,पिपरी ग्रा.पं.सरपंचा रुंदा विजय कुंभारे,सचिव एन.एस.शाहा यांनी स्वीकारला.पुरस्कार विजेत्यांनी यशाचे श्रेय संवर्ग विकास अधिकारी बाबाराव पाचपाटील,सहाय्यक संवर्ग विकास अधिकारी दिलीप बैलनवार,ग्रामीण गृहनिर्माण अभियंता अजय सुरेश लांडगे व लाभार्थ्यांना दिले आहे.