कोरपना ता.प्र.सै.मूम्ताज़ अली:-
कोरपना तालुक्यात सर्वात मोठे शहर गडचांदूरच्या मध्यभागी विराजमान असलेली पूर्वी माणिकगड सिमेंट व सध्याची अल्ट्राटेक सिमेंट.या सिमेंट कंपनीची खदान गडचांदूर पासून पंधरा किमी अंतरावर असलेल्या वनक्षेत्रातील निसर्गरम्य कुसुंबी गावात आहे.सिमेंट बनविण्यासाठी उपयोगी असलेले दगड, चुनखडी रोपवेच्या मदतीने सदर सिमेंट कंपनीपर्यंत आणली जाते. बैलमपूर,हिरापूर,अमलनाला,नोकारी,गोवारीगुडा,बाम्बेझरी अशा ठिकाणावरून रोपवे व कन्वेयर बेल्टद्वारे खदानी पासून गडचांदूर पर्यंत अविरतपणे दगडाची वाहतूक सुरू असते.या ठिकाणी अनेकदा चुनखडी वाटसरूंच्या डोक्यावर पडून अपघात सुद्धा घडले आहे.असे असताना सुरक्षेच्या दृष्टीने आवश्यक त्या उपाययोजना करण्याऐवजी केवळ "सावधान,पाईप कन्वेयर बेल्ट के निचेसे सावधानी पुर्वक गुज़रे" असे गगनचुंबी बोर्ड लावून कंपनी प्रशासन मोकळी झाली आहे.यामुळे लोकांचे जीव धोक्यात आल्याचे चित्र पहायला मिळत आहे.
अनेकदा धुळीचे कण डोळ्यात जाण्याचे प्रकार घडले असून रस्त्यावर चुनखडीचे खच पडल्याने याचा फटका विविध वाहनांसह पायदळी ये-जा करणाऱ्या नागरिकांना बसत असल्याची घटना पुढे आली आहे.अनेकदा तक्रारी करूनही कंपनी दखल घेत नसल्याने नागरिकांना जीव मुठीत घेऊन ये-जा करावी लागत आहे.अमलनाला येथे पर्यटन स्थळ असल्याने या रोपवेच्या लगत नेहमी पर्यटकांची गर्दी असते.अनावधानाने एखाद्या वेळी दगड पडून अपघात होण्याची शक्यता नाकारता येत नाही. कंपनी व्यवस्थापनाने या गावांच्या ठिकाणी आवश्यक ती उपाययोजना करावी अशी मागणी राकाँ जिल्हा उपाध्यक्ष सैय्यद आबीद अली यांनी केली आहे.