गडचिरोली/चंद्रपूर - ऑनलाइन जुगाराच्या माध्यमातून तरुणांना क्रिकेट, IPL मधून झटपट पैसे कमविण्याच्या नादाला लावणाऱ्या आरोपींना गडचिरोली पोलिसांनी अटक केली आहे.
IPL Cricket, FOOTBALL या खेळात ऑनलाइन पैसे लावून लाखो कमविण्याची संधी म्हणजेच जुगार यामध्ये अनेक तरुणाईला वाटोळं लावण्याच काम केलं आहे.
देशात ऑनलाइन जुगार प्रतिबंधित आहे मात्र छुप्या मार्गाने अँड्रॉइड एप बनवून ती मोबाईल मध्ये सहज डोवनलोड करण्यात येते.
यामध्ये Betx. co, Nice.777.net या बेकायदेशीर साईटच्या माध्यमातून कोट्यवधींचा जुगार खेळला जात आहे.
गडचिरोली जिल्ह्यात मागील काही दिवसांपासून ऑनलाइन जुगार मोठ्या प्रमाणात सुरू असल्याची माहिती प्राप्त झाली त्याआधारे गडचिरोली पोलीस दलाचे उपविभागीय पोलीस अधिकारी अमोल ठाकूर व पोलीस कर्मचाऱ्यांच्या चमूने आष्टी परिसरातील छगन मठले, राजू धर्माडी , मनोज अडेट्वार, द्राव्यराव चांदेकर , सुमित नगराळे आणि अहेरी आलापल्ली परिसरातील सुरेंद्र शेळके, संदिप गुदप्पवार यांना चौकशी करता बोलवले, चौकशीमध्ये चंद्रपूर येथील राकेश कोंडावार , रजीक अब्दुल खान , महेश अल्लेवार हे चंद्रपूर आणि गडचिरोली जिल्ह्यामध्ये या बेकायदेशिर ऑनलाईन सट्टा प्लॅटफार्मचे ते युजर आयडी आणि पासवर्डच्या माध्यमातुन एजंट / क्लायंट तयार करतात अशी माहिती मिळाली.
माहितीच्या आधारे गडचिरोली पोलिसांनी आरोपींना अटक केली आहे.
सर्व आरोपी यांचे विरुध्द अहेरी पोलीस ठाणे गु.र.न. २३५/२०२१ भा.द.वि. कलम ४२०,४६५,४६८,४७१ सह कलम जुगार अधिनियम तसेच माहिती तंत्रज्ञान कायदा अंर्तगत गुन्हा दाखल करण्यात आला असुन वरील सर्व आरोपी यांना गुन्हयामध्ये अटक करण्यात आलेली आहे. नमुद आरोपी यांचेकडुन ऑनलाईन जुगाराकरीता वापरण्यात येणारे मोबाईल हस्तगत करण्यात आले आहेत . सदर ऑनलाईन जुगाराचे मोठे राज्यस्तरीय रॉकेट कार्यरत असल्याचे दिसत असून , त्या दृष्टीने पोलीस अधिक तपास करीत आहेत . सदरची कारवाई मा . पोलीस अधीक्षक अंकित गोयल, अपर पोलीस अधीक्षक ( अहेरी ) मनीष कलवानिया, अपर पोलीस अधिक्षक समीर शेख्न, यांच्या मार्गदर्शनाखाली उपविभागीय पोलीस अधिकारी अमोल ठाकुर, नापोशि मनोज कुनघाडकर , पोशि विश्वनाथ उडाण , पोशि वडजु दहीफळे , नापोशि श्रीकांत भांडे , नापोशि नितीन पाल , पोशि सुरज करपते , पोशि उध्दव पवार , पोशि बेगलाजी दुर्गे यांनी पार पाडली.