कोरपना ता.प्र.सै.मूम्ताज़ अली:-
कोरपना तालुक्यातील जिल्हा स्मार्ट ग्राम बिबी येथील उपसरपंच आशिष देरकर यांनी पुढाकार घेऊन गावातील ६५ आदिवासी बांधवांना भूमिहीन प्रमाणपत्र काढुन दिले होते.या प्रमाणपत्राचे वाटप क्षेत्राचे आमदार सुभाष धोटे यांच्या हस्ते करण्यात आले.तसेच आमदार निधी, अनुसूचित जाती व नवबौद्ध घटकांचा विकास करणे,वसंतराव नाईक तांडा वस्ती निधी,स्वच्छ भारत मिशन अशा विवीध निधी अंतर्गत विकासकामांचे भूमिपूजन व लोकार्पण सोहळा यावेळी पार पडला.राष्ट्रसंत तुकडोजी महाराज यांच्या प्रवेशद्वारावरील पुतळ्याला माल्यार्पण करून कार्यक्रमाला सुरुवात करण्यात आली.बिबी येथील स्नेहा राजेंद्र काकडे हिने स्वत:च्या हाताने रेखाटलेली आमदार सुभाष धोटे व उपसरपंच आशिष देरकर यांची पेंटींग भेट दिली.प्रा.शरद बेलोरकर यांच्या माध्यमातून शरद पवार महाविद्यालयतर्फे ५०० मास्क आमदार धोटेंच्या हस्ते ग्रा.पं.कडे सुपूर्द करण्यात आले.
कार्यक्रमाचे उद्घाटन आमदार धोटे यांच्या हस्ते करण्यात आले तर कोरपना तालुका काँग्रेस कमिटी अध्यक्ष विठ्ठलराव थीपे अध्यक्षस्थानी उपस्थित होते.सरपंच मंगलदास गेडाम,उपसरपंच आशिष देरकर,जि.प.सदस्या विणाताई मालेकर, पं.स.उपसभापती सिंधुताई आस्वले, कोरपना पं.स.चे माजी सभापती साईनाथ कुळमेथे, सुरेश मालेकर,सं.गां.नि. स.अध्यक्ष उमेश राजूरकर,युकाँ तालुकाध्यक्ष शैलेश लोखंडे, ग्रामविकास अधिकारी ढेंगळे,गुरुदेव सेवा मंडळ अध्यक्ष नामदेव ढवस,सचिव बापूजी पिंपळकर, राष्ट्रसंत पुतळा समिती अध्यक्ष देवराव आष्टेकर, आनंद पावडे,श्रावण चौके,पुंडलीक मोरे,हनुमान मंडळाचे अध्यक्ष निवृत्ती ढवस, ग्रा.पं.सदस्य संगीता ठाकरे,शेख रशीद,श्रीरंग उरकुडे,दादाजी भेसुरकर,देवराव ढेंगळे इतरांची यावेळी उपस्थिती होती.कार्यक्रमाचे संचालन शामकांत पिंपळकर, प्रास्ताविक उपसरपंच आशिष देरकर तर आभार स्नेहा काकडे हिने मानले. कार्यक्रमाच्या यशस्वितेसाठी ग्रा.पं.कर्मचारी व गावकऱ्यांनी सहकार्य केले.