प्रतिनिधी/गुरू गुरनुले
मुल- मुल तालुक्यातील भेजगाव येथील एका शेतकऱ्यांकडून फेरफार करण्याकरिता तीन हजार रुपयांची लाच घेताना बेंबाळं सर्कलचे मंडळ निरीक्षक महादेव कन्नlके यास लाचलुचपत विभाग चंद्रपूरच्या पथकांनी आज दुपारी 12 वाजता रंगेहाथ पकडले. भेजगाव येथील शेतकरी आणि ग्राम पंचायतचे सरपंच अखिल गांगरेड्डीवार यांचेकडून फेरफार करण्याकरिता मंडळ निरीक्षक महादेव कन्नके यांनीं पाच हजार रुपयांची मागणी केली असता तीन हजार रुपये देण्याची तडजोड झाली मात्र सरपंच अखिल गांगरेड्डीवर यांना लाच देण्याची इच्छा नसल्याने त्यांनी चंद्रपूर येथील लाचलुचपत विभागाकडे तक्रार दाखल केली. आज लाचलुचपत विभागाने मुल येथील तहसील कार्यालयाजवळ सापळा रचला आणि अखिल गांगरेड्डीवार यांचेकडून तीन हजार रुपये घेतांना मंडळ निरीक्षक महादेव कन्नके यांना रंगेहात पकडण्यात आले. महादेव कन्नके यांच्याबद्दल गावात परिसरात अनेक तक्रारी असून सामान्य शेतकऱ्यांना ते वारंवार त्रास देत असल्याचेही सांगण्यात आले. गावातील सरपंच यांच्यासारख्या व्यक्तीकडून लाच घेण्याची हिंमत त्यांनी केली मात्र ते अलगत लाचलुचपत विभागाच्या जाळ्यात अडकल्याने अनेकांनी आनंद व्यक्त केला.पुढील तपास व कारवाई पोलीस करीत आहेत.