चित्रा वाघ म्हणाल्या, "क्या हुआ तेरा वादा..जयंतराव जी सरकार आल्यावर पहिल्या कॅबिनेटला यवतमाळला दारूबंदी करणार, इस आश्वासन का.
राज्यातील राष्ट्रवादी कांग्रेसच्या संघर्ष यात्रेदरम्यान यवतमाळ जिल्ह्यातील स्वामीनी संघटनेने जयंत पाटील यांची भेट घेत यवतमाळ जिल्ह्यात दारूबंदी करावी या मागणीचे निवेदन दिले होते.
त्यावेळी स्वामिनी संघटनेचे निवेदन विधिमंडळ अधिवेशन दरम्यान जयंत पाटील यांनी तत्कालीन अर्थमंत्री सुधीर मुनगंटीवार यांचे समोर वाचवून दाखविले होते.
लचंद्रपूर जिल्ह्याची दारूबंदी आपण करू शकता तर यवतमाळ जिल्ह्याची का नाही? असा प्रश्न जयंत पाटील यांनी उपस्थित केला होता, आपल्याला शक्य असेल तर करा नाहीतर आमची सरकार ज्यावेळी राज्यात येणार तेव्हा पहिल्या कॅबिनेट बैठकीत आम्ही यवतमाळ जिल्ह्याची दारूबंदी घोषित करू.
आता महाविकास आघाडी सरकार स्थापन झाले ती कॅबिनेट मिटिंग अजून झाली नाही का? यवतमाळ जिल्ह्याच्या दारूबंदी बाबत असा खोचक ट्विट भाजप प्रदेश उपाध्यक्ष चित्रा वाघ यांनी केलं आहे.