म्होरक्या नागपुरचा कुख्यात गुंड श्रीराम सेनेचा राष्ट्रीय अध्यक्ष रणजीत सफेलकर आणि त्याचा साथीदार कालू हाटे याला काही अज्ञात लोकांनी ही पाच कोटी रुपयांत हत्येची ही सुपारी दिल्याचे निष्कर्ष पोलिसांनी काढले आहे. दरम्यान, तांत्रिक दृष्ट्या या हत्याकांडाचा तपास सीबीआयकडे असल्याने नागपूर पोलिसांनी त्यांच्या तपासातील निष्कर्ष सीबीआयला सोपविले आहेत. नागपूर पोलिसांच्या माहितीला तपासून घेण्यासाठी सीबीआयच्या खास पथकाने नागपूर गाठून त्यासंदर्भात तपासही सुरू केला आहे. लवकरच सीबीआयचे अधिकारी या प्रकरणात अटकेची कारवाई करतील, असेही नागपूर पोलिसांनी सांगितले.
पाच वर्षांपूर्वी या प्रकरणाचा तपास नागपूर पोलिसांनी केला होता. मात्र, अनेक आठवडे तपास केल्यानंतरही पोलिसांना कोणतेही यश मिळाले नसल्यामुळे निमगडे कुटुंबियांनी हत्याकांडाचा तपास सीबीआयकडे देण्याची मागणी केली होती. त्यानंतर या घटनेचा तपास सीबीआयकडे सोपविण्यात आला होता.
सीबीआयने ही सुमारे चार वर्षे एकनाथ निमगडे यांच्या हत्येचा तपास केल्यानंतर ही हत्या कोणी आणि का केली, याचा उलगडा करण्यात सीबीआयला यश मिळाले नव्हते. नागपुरचे पोलिस आयुक्त अमितेश कुमार यांनी गेल्या काही दिवसांपासून अनेक वर्षांपासून उलगडा न झालेल्या गंभीर गुन्ह्यांचा तपास नव्याने सुरू करण्याचे निर्देश नागपूर पोलिसांच्या गुन्हे शाखेला दिले होते. त्याच अनुषंगाने गुन्हे शाखेने एकनाथ निमगडे हत्या प्रकरणाबद्दल शंका असलेल्या गुन्हेगारांवर नजर ठेवून त्यांची चौकशी सुरू केली होती. याच चौकशी दरम्यान नागपूर-वर्धा रोडवर कोट्यवधींच्या एका जमिनीच्या वादातून एकनाथ निमगडे यांच्या हत्येची सुपारी कुख्यात गुन्हेगारांना देऊन त्यांची हत्या करण्यात आली अशी माहिती पोलीसांना मिळाली आहे.
श्रीराम सेनेचा अध्यक्ष रणजित सफेलकर याने पाच कोटींची सुपारी घेऊन निमगडे हत्याकांड घडवून आणले. यात एकूण कुख्यात १५ आरोपींचा समावेश आहे. सध्या मुख्य आरोपी सफेलकर हा फरार आहे. त्याला कुणी सुपारी दिली होती, हे अद्याप उघड झाले नसले तरी त्याला अटक होताच ती माहिती होईल, अशी माहिती पोलिस आयुक्त अमितेश कुमार यांनी पत्रपरिषदेत दिली.
निमगडे हत्याकांडाचा पाठपुरावा करण्यासाठी सीबीआयचे पथक बुधवारी नागपुरात आले. या प्रकरणात सबळ पुरावे गोळा करण्यात गुन्हे शाखेचे पोलिस उपायुक्त गजानन राजमाने आणि त्यांच्या सहकाऱ्यांनी प्रचंड परिश्रम घेतले. पुराव्यामुळेच आरोपी स्पष्ट झाले. सीबीआयने डीसीपी राजमाने आणि त्यांच्या सहकाऱ्यांना पाच लाखांचे बक्षीस जाहीर केले.
सफेलकर यांनी विदर्भात श्रीराम सेना संघटनेचा विस्तार मोठ्या प्रमाणात केला आहे मात्र आज ह्या संघटनेचे पदाधिकारी बुचकाळ्यात पडले असून संघटनेत रहावं की नाही असा विचार करीत आहे.