वर्ष 2011 पासून रखडलेल्या संस्थेच्या अनुदानासाठी संस्थाध्यक्ष मंगेश पेटकर व सचिव पुरुषोत्तम चौधरी यांनी आमरण उपोषणाचे हत्यार उपसले होते, 1 फेब्रुवारीला आमरण उपोषणाच्या 8व्या दिवशी अर्धनग्न आंदोलन करीत शासनाचं लक्ष वेधले.
जिल्ह्यातील राजकीय पक्ष, सामाजिक संघटना व महाराष्ट्र ग्रामीण पत्रकार संघाच्या पदाधिकाऱ्यांनी पालकमंत्री वडेट्टीवार यांची भेट घेत संस्थेच्या समस्येची माहिती दिली.
पालकमंत्री वडेट्टीवार यांनी सदर संस्थेला विशेष बाब म्हणून अनुदानित करू व बुधवारी मुंबईत याबाबत बैठक घेत ठोस निर्णय घेण्याचं आश्वासन दिल्यावर खुद्द पालकमंत्री वडेट्टीवार यांनी उपोषण मंडपात भेट घेत आंदोलन कर्त्याना नारळ पाणी पाजत उपोषण सोडविले.