चद्रकांत उभाड यांना एक मुलगा एक मुलगी आहेत. मोठी मुलगी नुपूर हिने अभियंता पदवी घेतली असून ती सध्या पुण्यामध्ये नोकरी करत आहे. दरम्यान, मुळचा वाढोना येथील मुलासोबत नुपूरचा विवाह ठरला आणि हा विवाह थाटामाटात रविवारी पार पडला. दरम्यान, विवाहाच्या पूर्वसंध्येला नवरदेव राशी निघतो आणि घोड्यावर बसतो, असेच चित्र आतापर्यंत आपल्या भागात आपण आतापर्यंत पाहत आलेले आहोत.
मात्र, चंद्रकांत उभाड यांनी मुला मुलीत भेद पाळायचा नाही, असे ठरवून नुपूरला हळदीच्या दिवशी चक्क घोड्यावर बसवून मिरवणूक काढली. सुरुवातीला घोड्यावर बसण्यासाठी नुपूर काहीशी घाबरली. मात्र, तिच्या भवाने तिला धीर दिला. भावाच्या इच्छेला कुठेही छेद द्यायचा नाही म्हणून तिने हिम्मत दाखवली आणि थेट नवरी घोड्यावर बसली. नवरीची वरातीचा व्हिडीओ हा सोशल मीडियावर चर्चेचा विषय बनला आहे.
नवरदेवाच्या वरातीत ज्याप्रमाणे बॅन्ड, फटाक्यांची आतषबाजी त्याचप्रमाणे या हळदीच्या वरातीतही पहायला मिळाली. उलट अलीकडे नवरदेवाच्या वरातीमागे मोजकेच नातेवाईक आणि लोकांची गर्दी दिसते. मात्र, नुपूर घोड्यावर बसलेली असताना परिसरातील नागरिकांची प्रचंड गर्दी दिसत होती. विशेष उभाड याच्या कुंटूबातील अशा प्रकाची ही दुसरी घटना आहे. या आधी ही नुपूरची मावस बहीण चे 2 वर्षा आधी असेच घोड्यावर बसून मिरवणूक काढली होती. ही आगळीवेगळी वरात पाहून आजूबाजूचे सर्व नागरिक कुतूहलाने या वरातीकडे पाहत होते.