News34 chandrapur
अकोला - नागरिकांमध्ये अफवा व भीती निर्माण करण्यासाठी 25 वर्षीय युवकाने स्वतःच्या मृत्यूचा बनाव करीत चक्क तिरडीवर जिवंत झाला असल्याचा भास केला, त्या युवकाचा या कृत्यामुळे नागरिकांमध्ये आधी चांगलीच भीती निर्माण झाली होती, मात्र पोलिसांनी त्या युवकांच्या मृत्यूच्या बनावाचे पितळ उघड केले.
अकोला जिल्ह्यातील पातूर तालुक्यामधील विव्हरा या गावी हा प्रकार घडला, हे अघोरी कृत्य असल्याचा प्रकार चांन्नी पोलिसांनी फेटाळून लावला. Crime story
त्या युवकाचा मृत्यू झालाच नव्हता, व तो पुन्हा जिवंत होण्याचा प्रश्न उदभवत नव्हता, त्या युवकाला ताब्यात घेतल्यावर त्याची वैद्यकीय चाचणी केली असता तो युवक शारीरिक दृष्ट्या सुदृढ असल्याचे डॉक्टरांनी सांगितले.
Akola crime news
चान्नी पोलीस स्टेशन हद्दीतील विव्हरा या गावात एका 25 वर्षीय युवकाचा मृत्यू झाल्याची वार्ता पसरली. त्याची अंत्यविधीची तयारी सुरू झाली. त्याला तिरडीवर ठेवण्यात आले. त्या युवकाची अंत्ययात्रा स्मशानभूमीकडे निघाली. मग अचानक त्या तरुणाला जाग आली. तो तिरडीवरुन उठून बसला. प्रशांत मेसरे असं तरुणाचे नाव आहे.
पोलिसांनी वेळीच दखल घेत या घटनेत मागची सत्यता समोर आणली. संबंधितांची चौकशी केली. डॉक्टरांनी मृत घोषित न करता किंवा मृत्यू झाल्याचा कुठलाच पुरावा नसतानाही प्रशांत मेसरे मृत झाला असल्याचे सांगितले गेले. superstition
प्रशांत मेसरे हा होमगार्डमध्ये आहे. या युवकाची तब्येत बरी नव्हती. त्याला बुलढाणा जिल्हातल्या खामगाव येथे चक्कर आला होता. तेव्हा त्याला खामगाव येथील रुग्णालयात दाखविण्यात आले. त्याची तब्बेत ठणठणीत असल्याची माहिती डॉक्टरने पोलिसांना दिली.
केवळ लोकांमध्ये अफवा व भीती निर्माण करण्यासाठी हे कृत्य केले. असा दावा पोलिसांनी केलाय. Rumors