चंद्रपूर - उन्हाळी सुट्टीतील शालेय पोषण आहाराचे अनुदान विद्यार्थ्यांच्या बँक खात्यात डी. बी. टी. द्वारे थेट हस्तांतरित करण्याबाबत २५ जून रोजीच्या पत्रान्वये शिक्षण संचालक प्राथमिक यांनी राज्यातील सर्व जिल्हा परिषदांना कळविले होते कोरोना महामारीच्या काळात विद्यार्थ्यांची बँक खाती उघडणे हे अडचणीचे जिकरीचे व आर्थिकदृष्ट्या न परवडणारे असल्याने पुरोगामी संघटनेने सदर अडचणीची तात्काळ दखल घेत दिनांक २९जून रोजी राज्याचे शिक्षण संचालक प्राथमिक यांना ई-मेलद्वारे निवेदन देऊन सदर पोषण आहाराचे अनुदान पालकांच्या खात्यात वर्ग करण्याची विनंती राज्याध्यक्ष प्रसाद पाटील, सरचिटणीस हरीश ससनकर यांनी निवेदनाद्वारे केली होती. पुरोगामी संघटनेने याबाबत केलेला पत्रव्यवहार व वर्तमानपत्रात विविध जिल्ह्यात बातम्या प्रकाशित करण्यात आल्या होत्या.
सातत्याने केलेल्या पाठपुराव्याला यश मिळाले असून शालेय शिक्षण विभागाकडून दिनांक १३जुलै रोजी शिक्षण संचालकांना शालेय पोषण आहाराचे अनुदान पालकांच्या बँक खाती वर्ग करण्याचे आदेश राज्यातील सर्व जिल्हा परिषद मुख्य कार्यकारी अधिकारी शिक्षणाधिकारी यांना दिले आहे या निर्णयामुळे राज्यातील पालकांना दिलासा मिळाल्याने पुरोगामी शिक्षक संघटनेच्या केलेल्या प्रयत्नांबद्दल पालक व शिक्षकांकडून अभिनंदन व कौतुक होत आहे.
पालक व शिक्षकांना तात्काळ दिलासा मिळवून दिल्याबद्दल पुरोगामी शिक्षक संघटनेचे राज्याध्यक्ष प्रसाद पाटील, सरचिटणीस हरीश ससनकर, राज्य नेते विजय भोगेकर, महिला राज्याध्यक्ष अलका ठाकरे, बळीराम मोरे, बालाजी पांडागळे यांचे चंद्रपूर जिल्हा पदाधिकारी नारायण कांबळे, दीपक वरहेकर, रवी सोयाम, लोमेश येलमुले, किशोर आनंदवार, दुष्यंन्त मत्ते, सुनीता इटनकर, माधुरी निंबाळकर, विद्या खटी, सुलक्षणा क्षीरसागर, पौर्णिमा मेहरकुरे यांनी आभार व्यक्त केले.