प्रतिनिधी / रमेश निषाद
बल्लारपूर - विविध विकासकामांच्या माध्यमातून देखणे रूप धारण केलेल्या बल्लारपूर शहरातील नगर परिषदेची इमारत देखील आता नव्या आकर्षक व देखण्या रुपात बल्लारपूरकर जनतेच्या सेवेत रुजू होणार आहे. माजी अर्थमंत्री आ. सुधीर मुनगंटीवार यांच्या पुढाकाराने बल्लारपूर नगर परिषदेच्या प्रशासकीय इमारतीच्या बांधकामासाठी 10 कोटी रू निधी मंजूर करण्यात आला आहे .
नगर विकास विभागाच्या दि. 16 जून 2021 रोजीच्या शासन निर्णयानुसार बल्लारपूर नगर परिषदेच्या प्रशासकीय इमारतीच्या बांधकामासाठी 10 कोटी रू निधी मंजूर करण्यात आला आहे.
आ. सुधीर मुनगंटीवार यांच्या पुढाकाराने बल्लारपूर शहराने विकासाचे विविध टप्पे अनुभवले आहे. 1999 मध्ये बल्लारपूर तालुक्याच्या निर्मितीनंतर या शहराच्या विकासाला त्यांनी मोठी गती दिली.अर्थमंत्री पदाच्‍या काळात आ. सुधीर मुनगंटीवार यांनी तर बल्लारपूर शहराचा चेहरामोहराच बदलला. विकासकामांची मोठी मालीकाच या शहरात तयार केली. उपविभागीय अधिकारी कार्यालयाची निर्मीती, तहसिल कार्यालय इमारतीचे बांधकाम, पंचायत समिती इमारतीचे बांधकाम, विश्रामगृहाचे बांधकाम, डायमंड कटींग प्रशिक्षण केंद्र, सुसज्‍ज नाटयगृह, विमानतळासारखे सुंदर बस स्थानक, राजवैभवी प्रवेशद्वाराची निर्मीती, स्‍मार्ट पोलिस स्‍टेशन, छठपूजा घाट, मुख्‍य मार्गांचे सिमेंटीकरण, श्‍यामाप्रसाद मुखर्जी वाचनालयाची निर्मीती, अत्‍याधुनिक भाजी मार्केट, ई-वाचनालये, चार बालोद्याने अशी विविध विकासकामे त्यांनी पूर्णत्‍वास आणली. शहरानजिक देशातील अत्‍याधुनिक अशी सैनिक शाळा साकारली असून सर्व आवश्‍यक क्रिडा सुविधांनी परिपूर्ण असे तालुका क्रिडा संकुल देखील पूर्णत्‍वास आले आहे. विकासकामांच्या या दिर्घ मालिकेच्‍या माध्‍यमातुन बल्लारपूर शहर बदलत गेले आहे. बल्लारपूर येथील रेल्वे स्थानक रेल्वे विभागाच्या देशव्यापी स्पर्धेत राज्यात अव्वल ठरले.आता नगर परिषदेच्या प्रशासकीय इमारतीसाठी 10 कोटी रू निधी मंजूर झाल्याने एक नवे विकासकाम या विकासकामांच्या मालिकेत जोडले गेले आहे.
आ. सुधीर मुनगंटीवार यांच्या कल्पक विकास शैलीतून पोम्भूरणा येथील नगर पंचायतीची प्रशासकीय इमारत व्हाईट हाऊस सारखी देखण्या स्वरूपात उभी राहिली असल्याने आता बल्लारपूर नगर परिषदेची प्रशासकीय इमारत किती आकर्षक स्वरूपात उभी राहणार याची उत्सुकता आहे.
पालिकेच्या नवीन ईमारतीत पत्रकार भवनाची निर्मिती करा !
पुरोगामी पत्रकार संघ विदर्भ अध्यक्ष नरेंद्र सोनारकर यांची मागणी
बल्लारपूर:माजी वित्त,नियोजन,वन मंत्री तथा चंद्रपूर जिल्ह्याचे तत्कालीन पालक मंत्री आमदार सुधीर मुनगंटीवार यांच्या विशेष प्रयत्ना ने बल्लारपूर नगर परिषदेच्या प्रशासकीय इमारतीच्या बांधकामासाठी 10 कोटी रू निधी मंजूर करण्यात आला आहे.नगर विकास विभागाच्या दि. 16 जून 2021 रोजीच्या शासन निर्णयानुसार बल्लारपूर नगर परिषदेच्या प्रशासकीय इमारतीच्या बांधकामासाठी हा 10 कोटी रुपयांचा निधी मंजूर करण्यात आला आहे.
आमदार सुधीर मुनगंटीवार यांची विकासाची घोडदौड कधीच थांबली नाही.त्यांनी त्यांच्या कार्यकाळात उपविभागीय अधिकारी कार्यालय,तहसिल कार्यालय,पंचायत समिती, विश्रामगृह, सुसज्‍ज नाटयगृह, विमानतळासारखे सुंदर बस स्थानक, राजवैभवी प्रवेशद्वाराची निर्मीती, स्‍मार्ट पोलिस स्‍टेशन, छठपूजा घाट, मुख्‍य मार्गांचे सिमेंटीकरण, श्‍यामाप्रसाद मुखर्जी वाचनालय,अत्‍याधुनिक भाजी मार्केट,राज्यात प्रसिद्ध सैनिकी शाळा अशा महत्वपूर्ण इमारतींचे निर्माण केले.मात्र पत्रकार भवनाची मागणी ते आजतागायत जागे अभावी पूर्ण करू शकले नाही.गेली अनेक वर्षांपासून बल्लारपूर चे पत्रकार बांधव पत्रकार भवनाची मागणी करीत आहे.पण 'रिकामी जागा उपलब्ध नाही' या सबबी खाली ही मागणी नेहमी दुर्लक्षित केली जाते.राज्यात कोट्यवधींची विकास कामे झालेलं बल्लारपूर हे असं दुर्दैवी शहर आहे,जिथे पत्रकारांच्या हक्काचे पत्रकार भवन नाही.त्यामुळे पालिकेच्या नूतन इमारती करीता आलेल्या निधीत पुन्हा तरतूद करून त्या इमारती च्या ठिकाणी पत्रकार भवन निर्मित करून देऊन पत्रकारांच्या भावना जपाव्या,अशी मागणी पुरोगामी पत्रकार संघाचे विदर्भ अध्यक्ष नरेंद्र सोनारकर यांनी केली आहे.
दरम्यान बल्लारपुरात जागा उपलब्ध नसेल तर;कधीच पत्रकार भवन बनणार नाही का?असा प्रश्न उपस्थित करत शहरातील पत्रकारांनी पालिकेच्या नूतन इमारतीत पत्रकार भवनाची निर्मिती करण्यासंबंधी आग्रह धरावा,असे आवाहनही त्यांनी प्रसिद्धी पत्रकारातून केले आहे.