चंद्रपुर - कोरोनाचा वाढता प्रादुर्भाव बघता जिल्हा सामान्य रुग्णालयात इतर रुग्णांची होत असलेली गैरसोय बघण्याकरिता गेलेल्या आम आदमी च्या शिष्टमंडळाला चक्क जिल्हा रुग्णालय घाणीच्या साम्राज्यात दिसलं.
रुग्णालय परिसरातील घाण पाणी वाहून नेणार्या नालीवरील चेंबर फुटल्याने संपूर्ण घाण पाणी स्त्री प्रसूती व बाळ रुग्ण विभाग परिसरात मागील 6 दिवसापासून साचलेलं/पसरलेलं आहे त्यामुळे तेथे डेंग्यू, चिकन गुणिया, टॉयफाईड,मलेरिया फायलेरिया चे जंतू पनपण्याची शक्यता निर्माण झालेली आहे.
कुठेही सुरक्षा रक्षक,सफाई कामगार आढळले नाहीत. शहरात शासकीय एकमेव जिल्हा रुग्णालय असल्याने ग्रामीण भागातून येणाऱ्या रुग्णांची संख्या जास्त प्रमाणात आहे.
परंतु या रुग्णाकडे जिल्हा प्रशासनाचे दुर्लक्ष होतांना दिसत आहे.स्त्री प्रसूती व बालरुग्ण विभागाच्याच बाजूला वापरलेल्या PPE किट कचऱ्यात फेकलेल्या आढळलेल्या आहेत. तसेच शवविच्छेदन परिसरात मुलींचे वसतिगृह आहे त्यालाच लागून कोव्हीड-१९ लसीकरण कार्यक्रम सुरू दिसला तेथेच 10 मीटर अंतरावर घाण कचरा ,हाईजिनिक कचरासोबत कुजलेल्या अवस्थेत आढळून आलेला आहे.
गोरगरीब जनतेकरिता असलेल हे रुग्णालय आज जणू घाणीचे साम्राज्य दिसत आहे.
याबाबत आम आदमी पार्टीचे शिष्टमंडळ लवकरच पालकमंत्री चंद्रपुर जिल्हा यांना भेटणार असून लवकरच आरोग्य व्यवस्थेची दिशा आणि दशा युद्धपातळीवर दुरुस्ती करण्याची मागणी त्यांचेकडे करणार आहे. जर युद्धपातळीवर व्यवस्था सुदृढ न झाल्यास चंद्रपूरकर जनतेला सोबत घेऊन रस्त्यावर उतरेल. याला जबाबदार शासन प्रशासन व आमदार व खासदार राहतील. असे आव्हान आप चंद्रपुर चे संघटनमंत्री श्री सुनील रत्नाकर भोयर, सचिव श्री राजू कुडे यांनी केले. यावेळी पक्षाचे सहसचिव अजय डुकरे, महिला आघाडी श्रीमती देवीकताई देशकर, राजेश चेडगूलवर, सिकंदर सांगोरे, दिलीप तेलंग, बबन कृष्णपल्लीवार, राजेश विराणी, मधुकरराव साखरकर, वामनराव नांदूरकर,अव्हेज शेख, शाहरूख शेख, अशोक आनंदे, सुखदेव दारुनडे, अंमजदभाई,प्रशांत येरने आणि इतर कार्यकर्ते पदाधिकारी उपस्थित होते.